Baghmara, April 2, 2022: Re•anggipa March jani 17 tariko demechiktangko so•otani ja•mano kate dongenggipa Lindrit N Sangma-ko Silkigre PS Case no.01(03) 2022 U/S 302/201 IPC)-o pangchake pulisrangni dontonggija sandianiko dakengon, April 1 tarik Sukrobar attamni 3 bajimango Betagre song sepangni Angke Chiring-oniko rim•na gita man•aha ine South Garo Hills a•jani pulisrang koborna parakataha.
South Garo Hills a•jani pulisrang Silki Ampangdamgre song aro uni wilwilao donggipa songni manderangni dakanichi bilsi gittamsan ong•kuenggipa demechiktangko ka•saninggija so•otenba kate dongenggipa mandeko rim•na man•aha ine u•iataha.