Tura, May 21, 2022: Tura Govt College (TGC)-o poraienggipa chatro chatrirang form fillup, admission ka•ani aro admit card on•ani somoio agrepile chatro chatrirang bang•dugaani a•sel neng•nikaniko man•engani gimin, neng•nikaniko olgrokatna West Garo Hills a•jani Deputy Commissioner, Swapnil Tembe TGC-ni Principal baksa ia obostani bidingo chanchirimaniko dakaha.
Uamangni chanchirimanio admit card-rangko online gita on•na gita ta•raken jotton ka•enga ine u•iataha. Ia online gita admit card-rangko on•na man•ode, chatro chatrirang neng•nikani komigen.
Uni gimin, TGC-o poraienggipa chatro chatrirang kolege-ko chalaienggiparang baksa apsan ku•monge kamrangko ka•angpachina DC mol•molataha.