Darengre PHC-o World Tuberculosis Month ko manianga

0

Tura, March 8, 2023: World Tuberculosis Month-ko Gambegre Block-ni ning•o donggipa Darengre PHC-o gisik ra•aniko dakangaha. Ia tom•aio, “YES! We can end TB” ba “Hoe, An•ching TB-ko bon•atna man•gen” ine miksobganio tom•aniko ong•atangaha.

Gambegre C&RD Block-ni Horticulture Development Officer, Flamia Chimachi R Sangma jinmana aganprakengon, “India a•songni dilgiparang TB sabisiko 2025 bilsio bon•atna rakbee kamrangko ka•enga. Uni gisepon TB sabisiko man•ne saenggipa manderangko sanenggipa Dokdor-rangni ge•etanirangko ja•rikna nanga. Unbaksana TB sabisini Symptom-ko man•enggipa manderang sepangbatgipa TB centre-ona re•ange porikka ra•e sanna bannaniko dakna nanga” ine aganangaha.

West Garo Hills a•jani District Tuberculosis Officer, Dr E Sangma, “2025 bilsio India a•songo TB sabisiko bon•atna miksonge an•chingni dilgiparang rakbee kamrangko ka•enga aro TB sabisiko indin sanne on•enba a•songko TB Free India ong•atna miksongenga. Je manderangan antignina bate gusugenchimode, sepangbatgipa TB centre-ona re•ange porikka ra•e nianiko dakna gita man•gen” ineba aganangaha.

Ia tom•anio TB sabisiko man•ne sanna bannaniko dake nampilgipa manderang jinmana talate on•angaha.

Uni gisepon, WGH a•jani District Tuberculosis Centre-ni TB-HV, Newtone Ch Sangma git ring•e jinmako an•saoatangaha.

National Tuberculosis Program-ni bak gita vitamin aro nutrition gnanggipa cha•anirangko jinmana suale on•angjolaha.

Tura TB Centre-ni Dr aro Senior Medical Health Officer, Dr K A Sangma baksana Gambegre Block-ni Program Manager aro songni nokni manderang tom•anio bakko ra•angtokaha.

Leave A Reply

Your email address will not be published.