Resubelpara, May 14, 2022: North Garo Hills a•jani skotong song Resubelpara-o donggipa Damring Chibimako kabatenggipa RCC dollong Sukrobar salo mikka jimbee waani a•sel rang•gitik chi dal•bae adita nosto ong•aha ine kobor man•aha.
Ua RCC dollongko rikmitting ong•ani gimin rodrangko jorae tariahachim. IMD-ni agansoa gita North East a•dokrango mikka bilongen waangaha.
Indake Garo Hills-oba Bristibar waloni Sukrobar salona kingking dondikgija mikka waanichi Damring Chibima rang•san dal•bae Resu Dekachang bajaroni Damring Chibimako kabatenggipa RCC dollongko adita chi man•pakange nosto ong•dapaha ine kobor man•aha.