Tura, Feb 20, 2023: Re•baenggipa Assembly election-o susaenggipa Dalu constituency-ni TMC candidate Pa Sengkal A.Sangma-ni kosako re•anggipa Covid-19 sabisina Lock Down ong•mitting somoio sorkari case ka•aha.
Uni gisepon Pa Sangma re•baenggipa Assembly election-o TMC candidate ong•e Dalu constituency-o susaengon, case dongani gimin, election Commission-ni dongimin niam gita Format C-1 ko songbad-rang, youtube channel-rang aro TV-rango see parakatchina ge•etaniko on•ahani gimin, Pa Sangma an•tangni case-ko February 20-22 tarikona salgittam joljol Kosi Songbad webaite-o see parakatenga.
Pa Sengkal A.Sangma-ni u•iatani gitade, re•anggipa 2020 aro 2021 bilsio Covid-na lockdown ong•mitting somoio manderangko re•na on•gija champenganiko dakengongn, manigija Bangladesh-ona ro•ong supply ka•ani, gimin Dalu Citizen Forum (DCF)-ni gita Non Cooperation Movement (NCM)-ko ong•ate, jingjengataniko dakahani gimin sorkari DCF-ni kosako West Garo Hills a•jani, Judicial Magistrate First Class (JMFC)-o case ka•aha.
Ia case-o Pa Sangma-ba biming dongpaani gimin election-na nonimation ka•anio, Election Commission-ni niam gita ia case-ko songbad-rango see parakatna nangaha. Pa Sengkal A.Sangma-ko case ka•aniara, “Offences Under Sections 505 (1) (b)/34 Indian Penale Code Act. Whoever makes, publishes or Circulates any Statement, rumour or reports-(b) with intent to cause, or which is likely to cause, fear or alarm to the public, or to any section of the public whereby any person may be induced to commit an offence against the State or against the trangquality”-o pangchake case ka•ahachim.