Gari a•sel ong•e sak 5 sia sak 21 saknaa man•a 

0

Tura, Feb 20, 2023: Sombar pringni 11 bajimango North Garo Hills-ni a•jani Kharkutta sepango donggipa Bolmedang songo rang•gitik a•sel ong•aha ine kobor man•soaha.

Kobor man•soani gitade, Mahendra Pick-up ge•sao sak 30 manderang A•dokgre-o ong•atenggipa TMC-ni meeting-ona re•angmitting somoio rang•gitik a•sel ong•e, sak 5 manderang janggi galaha aro sak 21 manderang bilongbee saknaako man•tiokaha

A•sel ong•niko kobor man•soe chel•chakgipa pulisrang bakan a•sel ong•gipa biapona re•ange saknaa man•gipa manderangko sanna banna gita ra•ange dakchakaniko on•aha.

A•sel ong•e sianggipa manderanga bilsi 45 ong•gipa Ma Merina Sangma, bilsi 62 ong•gipa Ma Sabina Marak, bilsi 50 ong•gipa Ma Pokila Momin, bilsi 43 ong•gipa Ma Tesa Sangma aro bilsi 48 ong•gipa Sosin Marak gimikan Kharkutta PS-ni ning•o donggipa Rongmatchu songoni ong•achim.

Leave A Reply

Your email address will not be published.