Tura, May 18, 2022: AITC-ni District Convenor Richard M. Marak aro District Co-ordinator Sapford N.Sangma-ni dongpanio, West Garo Hills a•jani 49-Dadenggre Assembly elakkao Block Trinamool Congress Committee (BTCC)-ko Budbar salo songenba dingtang dingtang kamrangna membor-rangko seoke approved ka•e on•angaha.
Richard Marak-ni u•iatani gitade, re•baenggipa 23 bilsini Assembly eleksino bilakbate kamrangko ka•angna gita AITC Dadenggre elakkao BTCC-ko songe, membor-rangko seokaha.
Seoka man•gipa BTCC-ni membor-rangara Convenor-na Michael Momin, Co-Convenor-na Boaz Marak, Co-ordinator-ranga Sengman A.Sangma, Grikting Aldrin Marak aro Jarney Marak.
Finance Committee in-charge-ranga Kabat Marak, Tengrang Momin aro Gris Sangma ong•achim.