CUET porikkako dontongatchengna nanga: AHAM

0

Tura, April 23, 2022: A•chik Holistic Awakening Movement (AHAM) CEB, Tura CUET porikkako dontongatchengna NEHU-ko mol•molangaha.

“CUET porikka Meghalaya-ni pilak chadamberangko jingjengatenga. Bilsi 2 lockdown ong•ani ja•mano tanggitik central-ni porikkako sena nanganiara chadamberangna bang•a neng•nikaniko on•a. Garo Hills-ni chadamberang lockdown-ni somoio online klasrangko ra•genchimoba, chu•onga gita network-rangko man•jae chu•onga gita skianirangko man•jaha.Uni gisepon uamang MBOSE-ni porikkarangko an•tangtang jotton ka•taitaie poraie mikosto ka•e seenga. CUET porikkako sena chadamberangsan ong•aija, indiba Meghalaya a•doko taria chu•ongkuja. Ian Computer-o sena nanggipa porikkasa ong•a.Indita sak hajalni hajal chadamberangna sorkari baoniko computer-rangko porikka sena on•na man•gen.

“Chinga AHAM dol ia obostani gimin janapana Education Minister aro NEHU-ni Vice Chancellor-ko gronganggenba memorandum-ko on•ne CUET porikkako a•doko dontongatchengna mol•molanggen” ine AHAM-ni President George Prince Momin parakataha.

Leave A Reply

Your email address will not be published.