CTE-SU bilsi 2022-23-na gital dilgiparangko seoka

0

Tura, August 28, 2022: West Garo Hills a•jani Tura Rongkhon B.Ed Kolege-o gital Student Body-ko bikotaha ine u•iataha. Kolege-ni sakbri skigiparangni dilanichi re•anggipa August 16 tariko gital Student Body-ko rikana Nomination-o bimingtangtangko segatangaha.

Gital Student Body-ko dilna gita eleksin-ko ong•atengon sak 30-na bate chatro chatrirang Nomination-o bimingtangtangko segatangtokaha.

Ia gitalgipa Student Body-ko chalaina gita chatro chatrirang dingtang dingtang postrango susana bimingtangko segatangaha.

Indake August 17 tariko eleksinko ong•ate dilgiparangko seokangaha. Seokako man•gipa College of Teachers Education (CTE) Student Union (SU)-ni dilgiparanga, Thomas M Marak President, Anthony A Sangma General Secretary, Kalipson A Sangma Vice-President, Oleg Salangko T Sangma Joint Secretary, Amsrang R Marak Finance Secretary, Anusa Tangsimchi D Sangma Literracy and Magazine Secretary, Rozer Davies M Sangma Socio-cultural Secretary, Kronie B Marak Sports Secretary, Ayesha M Sangma Auditor, Chesi Chema Sangma Grievances and Redressal Secretary, Ronggrik A Sangma Public Relation Secretary-na seokangaha.

Indake Student Body-ni dilgiparangko seokani salgipino tom•aniko ong•ate, gital CTE-SU ine mingaha.

“Skigiparang aro Trainees-rang baksa nangrime institution-ko name rakkianggen aro maming namgijagipa bosturangko ra•napjawa, gittimko aro wilwilao donggipa songnokrangko rongtale antale rakkianggen. Socio Economic program-ni ning•o bang•a welfare service-rangko sponsore ka•angna, unbaksa segri me•chikmarangna, darangkoba mikkang nitegija dakchakaniko on•angna, Garo/Khasi Literature-ko tang•doatna, neng•nikani somoio manderangna dakchakanirangko on•na, kal•susaani, sika koani, skia poraianio manderangna dakchakna, ge•a gamanio gital rokomko ja•rikangchina, jillanirangko niroke skiangna, small scale industry-rangko dakchakna” CTE-SU dolko bikote miksonganirangko donangaha.

Ia Student Union-ko bikotani ja•man CTE-SU-ni dilgiparang a•dokni Skotong Minister Conrad Sangma-ni August 19 tariko Rongkhon-o M.Ed buildingko nokdonggae on•angani salo chatro chatrirangni nangnikanirangko see memorandum-ko on•atjolaha.

Ia Memorandum-o B.Ed kolege-na generator, laboratory, basket ball court, cricket pitch, Indoor Game-rang, jekai Badminton Court, Table Tennis Court-rangko tarie on•china, musical instrument, traditional instrument aro public address system-rangko tarie on•china aro Kolege-na Auditorium-ko background gnang rike on•china janapataha.

Unbaksana Garo, Social Science ki•taprango skigiparangko rakkichina, non-teaching faculty-o UDA, Chowkidar aro Peon-ni post-rango manderangko gapate on•china gitaba CTE-SU dilgiparang Skotong Minister-ko mol•molataha.

Leave A Reply

Your email address will not be published.