Tura, January 13, 2022: A•dokni Skotong Minister Conrad Sangma re•baenggipa 2023 bilsini MLA eleksino dam gni elakkaoni susaanggen ine jangbingbanggenchimoba, ua South Tura elakka-osisan susaaigen ine Bristibar salni tom•anio parakataha.
NPP dolni dilgiparang Mairang elakkao UDP dolni dilgipa aro Meghalaya Assembly-ni Speaker Metbah Lyngdoh baksa susana darang candidate-koba seokjaha ine u•iataha.
Unbaksana Cabinet Minister aro BJP dolni dilgipa Sanbor Shullai baksa South Shillong-o susaangna gitaba darang candidate-ko susaatjaha.