TMC-ni sakgni MLA-rang NPP-o napanga

0

Shillong, January 13, 2022: Trinamool Congress (TMC) dolni sakgni MLA-rang Bristibar salo doltangko wate a•doko sorkariko rikenggipa NPP dolo napeaha ine koborna parakataha.

North Garo Hills a•jani Mendipathar elakka-ni MLA Marthon Sangma aro West Garo Hills a•jani Tikrikkila elakka-ni MLA Jimmy D Sangma NPP dolo napeaha ine u•iataha.

NPP dol uamangna party ticket on•ne MLA susaatgen ine parakatengon, Marthon J.Sangma aro Jimmy D Sangmani bimingko parakataha.

Uamang sakgni 2018 bilsio Congress doloni susae cheaha. Indake Congress doloni ong•kate TMC dolo napgipa sak 12 MLA-rangoni uamang sakgni ong•achim, indiba uamang TMC dolo donge eleksino susana nangnikjae doltangko wate NPP doloni susaangskagen ine koborna parakataha.

Leave A Reply

Your email address will not be published.