Baghmara, January 10 2022: National People’s Party (NPP)-ni sorkari rikanichi a•doko bang•a tang•dodapanirangko nikna gita man•enga. Indake Sombar salo Skotong Minister Conrad Sangma Baghmara Water Supply Project-ko oprake on•angaha.
“NESIDS-ni Baghmara Water Supply Project-na fund-rangko sokatan baksana a•dokni scheme-rangchi ia project-ko chu•gimik matchotatna gita man•aha. NPP dolni sorkari rikanichi South Garo Hills a•jani tang•doanirangko nikna gita man•engaha. Ia Water Supply Project-ko a•jani dam 16 songrangna rongtalgipa ringani chirangko sokate on•anggen. Chinga a•bachengo ku•mitchetgimin gitan a•dokko dingtangatna aro manderangna namgniko ra•bana krengbee kamrangko ka•enga” ine Conrad Sangma aganangaha.