Chuttini salrango NHIDCL department-koba chutti watna nanga:ADE

0

Tura, November 1, 2022: Association for Democracy and Empowerment (ADE) Apex Committee, HQ Tura-ni General Secretary Supam R.Marak, West Garo Hills a•jani Deputy Commissioner-na lekka sedoatenba, State Holiday ba a•dok gimiko chuttirangko watani salrango NHIDCL-PMU department-o kam ka•giparangkoba chutti watpachina mol•molangaha.

Supam Marak-ni parakatani gitade, “NHIDCL-PMU Department-o kam ka•enggiparang chuttini salrangoba chutti man•paja. Uamang Garo Labour Corps Day, Capt. Williamson Death Anniversary, 100 Drums Wangala Festival, Pa Togan Nengminja Sangma-ni Death Anniversary-ni salrango chutti man•rongja. Ua chuttini salrango A•dok gimikni manderang chutti man•ne neng•takna man•oba, NHIDCL Department-o kam ka•giparang man•rongja. Uni gimin obostani kri nigrike, uamangko chutti watpana nanga” ine ADE dabiangaha.

A•dok gimiko chutti man•ne neng•takmiting somoio, NHIDCL Department-ni manderang chutti man•jani a•selara uamangko mikkang nitee kam ka•ata gita ong•a. Uni gimin uamangko chuttini salrango kamoni neng•takna chutti on•na nanga ine ADE Apex Committee dabiangaha.

Leave A Reply

Your email address will not be published.