Baghmara, May 26, 2022: Garo Students’ Union (GSU) Chokpot Regional Unit, a•dokni Skotong Minister Conrad Sangma-ni kamna suk ong•gijaniko parakataha.
Chokpot GSU-ni parakatani gitade, Skotong Minister Conrad Sangma, April jaoni Chokpot ramako Baromile-oni tarina a•bachengatgnok ine ku•rachakahachim. Indiba da•ona kingkingba a•bachengate on•kujaenga ine janapatenba, Skotong Minister an•tangni kakket ong•gijaniko parakaha ineba janapataha.
Conrad Sangma Baromile-oni Chokpot-ona rama tarie on•na ku•rachagiminko chu•sokatkujani gimin Chokpot jolni manderang re•a doanio namen neng•nikaniko man•tokenga ineba GSU parakataha.
Ku•rachakatangko chu•sokate on•jani gimin, Chokpot jolni manderang Conrad Sangma-o ka•dongna gita man•jaha, maina manderangni mongsongbatgipa nangnikaniara rama tarie on•aniko nangnike Skotong Minister-ko mol•molahachim.
Uni gisepon manderangni mol•molaniko chu•sokate on•genchimode, jolni manderangna dakchakani ong•genchim ine GSU Chokpot Regional Unit-ni General Secretary Tangke R.Marak janapataha.