Tura, May 5, 2022: Chang 5-gipa MMA India National, 2022 (Amateur Mixed Martial Arts Championship)-ko re•baenggipa ia jani 19-oni 22 tarikona salbri joljol Madhya Pradesh-ni Neemuch songjinmao ong•atanggen ine u•iataha.
Uni gimin gisiko nanggipa manderang aro Athlete-rang ia MMA Championship-o bakko ra•na gita man•gen ineba u•iataha. Ia kal•susaaniko MMA India, Sports Association of Mixed Martial Arts, India aro IMMAF baksa bakrime ong•atanggen. Ia kal•susaanio Mixed Martial Arts Association, Meghalaya (MMA-Meghalaya)-ni Official saksa, MMA-Meghalaya-ni Coach saksa aro sakgni MMA-Meghalaya-ni Mixed Martial Arts-o dakgrikgiparang bakko ra•anggen.
MMA-Meghalaya-ni sakgni dakgrikna re•angenggipa chadamberanga Tura Boldak A•ding-ni Te Jarmin M.Sangma aro Tura Lower Danakgre-ni Te Dipuline R.Marak chang 5-gipa MMA India, National 2022, Amateur Mixed Martial Arts Championship-o bakko ra•anggen ine MMA-Meghalaya-ni President Lorenzo Pearson Warjri u•iataha