Tura, July 23, 2022: Meghalaya North Eastern Hill University (NEHU) Tra Brenda D.Marak-na Doctor of Philosophy Degree Award-ko on•aha.
Brenda Marak Tura-ni gitcham MLA aro Sports and Youth Affairs-ni Minister Pa Billy Kid A.Sangma aro Ma Sandra D.Marak-ni demechik ong•achim, uni neng•bee jotton ka•anichi ua Tura-na namgipa mikkim rasongko ra•baha.
Uni research ka•anio Department of Management, Tura NEHU Campus-ni Prof. Abhigyan Bhattacharjee nirok simsake dilanichi chu•sokgipa ong•aha.
Brenda Marak, Tura ICFAI University-o Department of Management-ni Assistant Professor ong•e kamko ka•enga ine koborna u•iataha.