Tura, September 10, 2022: North Garo Hills a•jani gitcham District BJP President, Manik Sangma Sonibar salo Dr Mukul Sangma-ni mikkango TMC dolo napeaha ine koborna u•iataha.
Meghalaya Trinamool Congress (TMC), Manik Sangma-ko gisik ka•tong gimikchi kusi ong•bee TMC nokdangona rimchaksoaha.
Manik Sangma MDA aro BJP sorkarini kamko ra•chakna namjae, a•doko kakket aro bebeo kam ka•na aro a•dokni manderangna dangdike on•na an•tangtangko on•kangenggipa TMC dolo baksa bakrime a•jatangni manderangna dangdike on•angna miksonganio TMC dolo napeahachim.
Maina Meghalaya a•doko MDA aro BJP sorkariko warachakna bil donggipa TMC-na agre darang dolba dongja. TMC dilgiparang Meghalaya a•dokko gital dakna, a•doko dingtanganiko ra•bana aro manderangna dangdike on•na ja•ku de•aniko nike apsan ku•monge kamrangko ka•angna miksongani ong•a ine Manik Sangma parakataha.