Bilsi 17-ni skul chatri saksako so•ote galanina jegale tom•aniko ong•ate jinma re•jomaniko ong•atna tik ka•a

0
Baghamara, December 6, 2021: South Garo Hills aro West Garo Hills a•jani sima ari gisepgriko donggipa Dangsu A•du songni buring gripo bilsi 17 ong•gipa skul chatri me•chik saksani manggisiko man•ani ja•mano skul chatro chatrirang, NGO-rang bang•a manderang jagokmanpilaha aro ia misilbegipa obostana manderang duk ong•aniko parakataha.
Indake ia misilbegipa obosta ong•aniko jegalna South Garo Hills-ni NGO-rang nangrime jinma tom•aniko ong•ate re•jomaniko December 7 tarik Monggolbar salo ong•atna gita South Garo Hills a•jani Social Activist Greneth M. Sangma Sombar salo South Garo Hills a•jani DC-o hukkum ba permission-ko bi•aha.
Greneth Sangma-ni permission-ko bi•ani gimin South Garo Hills-ni DC, covid-ni niamrangko ja•rike public meeting aro rally-ko ong•atchina hukkum-ko on•ataha ine Greneth Sangma u•iataha.
Ua me•chik class X poraienba selection porikkako sena gita December 1 tariko re•angahachim, ua saloni me•chik bi•sa noktangona re•angpiljaha. Uni gimin nokni manderang December 3 tariko missing report-ko Dalu Pulis Station-o on•eaha, indake salbrini ja•manosa uni sigimin manggisiko Dangsu A•du songni buring griponiko man•aha, ia aiao inmangipa aro miailbegipa obostana bang•a NGO-rang aro manderang raken jegalaniko dakan baksa, ua me•chikni nokdangna kakket bichalko on•china dabiangaha.
Ia misilbegipa obostako jegale, mikkangchi indakgipa a•selrang A•chik a•songo ong•taijachina chanchie dal•gipa tom•aniko ong•ate jinma re•jomaniko ong•atna songni Nokmarang, NGO-rang aro manderang apsan ku•monge Monggolbar salni 12 bajio Dimapara kal•chakramoni Dalu-ona jinma re•jomaniko ong•atanggen ine Greneth Sangma u•iataha.
Leave A Reply

Your email address will not be published.