Bernard Marak-ko Uttar Pradesh-o pulisrang rim•a   

0

Tura, July 26, 2022: A•dokni BJP Vice President aroTura-ni MDC Bernard N Marak-ko Uttar Pradesh-o rim•aha ine kobor man•aha.

Rimpu Bagan-ko chadrapani salbri ja•mano pulisrang a•dokni BJP Vice President aro Tura-ni MDC Bernard N Marak-ko Monggolbar salo Uttar Pradesh a•doko rim•aha ine West Garo Hills a•jani SP VS Rathore parakataha.

“Bernard N. Marak jekon Rimpu ine ma•sitokachim, Uttar Pradesh a•doko rim•aha. Uko da•o Uttar Pradesh pulis Custody-o donenga’ ine u•iataha.

“Bernard Marak-ko UP pulisrang Tura-ona rimbagen” ineba VS Rathore u•iataha.

Bernard Marak dambe me•chik bi•sarangko pale cha•enga ingipao pangchake POCSO mamlarang baksa uni baganko re•anggipa Sukrobar attamo Tura pulisrangni chadrapanio ma•sina man•aha ine koboro parakaha.

Adita salrangna skangan Meghalaya pulis Meghalaya BJP Vice President aro Tura MDC Bernard Marak-ni kosako nirikkie dongenga ine u•iataha. Indake uni kosako pilak a•dokrangna aro Union Territory-rangna u•iataha.

Unbaksana Tura Court-ni Chief Judicial Magistrate, Sombar salo Bernard Marak-ni kosako non-bailable arrest warrant-ko on•aha.

Meghalaya pulis-ni u•iatani gitade, BJP State Vice President-ni Farm House-ko Garo Hills-ni me•chikrangko pale cha•ram nok ine chanchichipanio Rimpu Bagan-ko chadrape niam gri palenggipa churang aro ong•gija kamrangko ka•enga ine ma•sienba sak 73 chadamberangko kragija me•chik til•ekani mamlao rim•chapaha.

Indake namgija kamrangko ka•dilengani gimin batanggipa salrangonin pulisrang Bernard Marak-ni kosako sruk sruk nirikkianiko dake dongenga ineba u•iataha.

Leave A Reply

Your email address will not be published.