Tura, Nov 10, 2022: Balachanda elakkani MDC Agassi Marak, MDA sorkariko rama namjani bidingo matnangaha.
“Minute 15-on sokgipa ramako kanta 1 re•na nangskaenga. Ian NPP dolni kam ong•a. Skotong Minister Conrad Sangma batchijok? Ua ramarangko tarina gita September jaonin a•bachengatgen ine ku•rangchakaha. Indiba November ja sokpilonan tarina a•bachengkuja. An•chingni Skotong Minister Conrad Sangma, eleksin-na skangde katta chi•e chi•e aganenba manderangko ropronga. Uamang Citizenship Amendment Act (CAA)-ko ra•chakjawa ine jinmana ku•rachakaha. Indiba Agatha Sangma MP ong•e Parliament-o asongani ja•manode ua CAA-na chakpaaniko on•angaha. Uni gimin an•ching jinmako cha•boke togigipa dolko jegalna nangchongmota ” ine Agassi Marak janapataha.