Baghmara, July 16, 2022: Re•anggipa March 16 tarikoni chipe donenggipa Baghmara Nursing Home Centre-ni bidingo Greneth Sangma sandianiko dake Director-na lekka sedoatahani gimin July 15 tariko Joint Director, Superintendent Dr Jacob aro staff-rang re•ange nienba department aro a•a nokgipa kulipiltaina tik ka•e agreemento pangchake a•a nokgipani manderangna kamko on•na ku•rachakangaha ine u•iataha.
Iano adita neng•nikaniranga a•ako tangka gri indin on•gipa a•a nokgipani nokdangoni sakgittamna service ba kam on•na gita agreement seaniko chu•sokatani a•sel ong•achim.
DSC-ni No Objection Certificate (NOC)-ko on•na neng•nikani a•selba kamko on•na man•ningjaha.
Ge 10 postrangko MLA an•tangni manderangko appoint ka•ani giminba gisik saani ong•aha.
Songtangona indakgipa kamrang sokbaode, songtangni manderangna skanggipa cholko on•chengna nanga aro ge 10 postrangoniko ge 3-kode appoint ka•na nangachim ine songni dilgiparang suk ong•gijaniko parakataha.
Sorkarini u•iatgimin gita indin tangka gri a•a on•gipana service on•aniko DSC champenge donani gimin Chairman aro Secretary jegrikaha. Peronal development-an guideline-ko on•ne DSC-na chu•gimik bilko on•aha, indiba personal development-an proposal wate roaniara an•tangni bilko u•ijani a•selsa ong•enga ineba janapataha.