B-Mahal-ni a•arangko NPP pale cha•na man•jawa: MDC-rang

0

Tura, July 28, 2022: Trinamool Congress (TMC)-ni MDC-rang GHADC-ni CEM Albiniush R. Marak aro High Power Committee-ni Chairman Rakesh Sangma B-Mahal-ni a•arangko MITC aro MIDC Department-na palna tik ka•anganiko TMC-ni MDC-rang raken jegalataha.

“Chinga adita sal somoirangna skangan, NPP dolni dilgipa Conrad Sangma, uni jongsari Rakesh Sangma aro GHADC-ni CEM Albiniush R Marak sakgittam apsan ku•monge District Council-ni a•arangko dingtang dolni manderangna pal•srukna am•enga ko u•ia. Uamang A•chik jatni namgnina kam ka•na miksongenga ong•ode, maina ia a•arangko palna chanchianiko gipin MDC-rang parakjaha? Maina uamang iani bidingo gipin MDC-rang baksa chanchirimaniko dakjaha? Chinga Deputy CEM aro Land and Revenue-ni Incharge, Nikman Marak jean Garo Hills-ni pilak a•arangko nirokengachim, chinga biko sing•doangna sika. B-Mahal-ni a•arangko palna miksonganio nangni raiko ra•ahama, ma nangkoba uamang ia miksonganio bak dongatpahama” ine TMC MDC-rang Bristibar salo sing•doangaha.

Warachakenggipa dolni MDC-rangni parakata gitade, B-Mahal A•chik jatni aro A•chik a•songni a•dok chiga ong•a aro uko NPP-ni dilgiparang maming saloba an•tangni man•gnina miksonge pale cha•na man•chongmotjawa ine TMC MDC-rang parakataha.

Leave A Reply

Your email address will not be published.