Assembly election-o susaenggipa candidate-rang nomination file ka•na a•bachenga

Tura, Feb 3, 2023: Re•baenggipa February 27 tariko ong•atenggipa Assembly Eleksin-o susaenggipa candidate-rang February 3 tarikdipet, Magistrate-rangni mikkango an•tangtangni bimingko segattokaha ba nomination file ka•angtokaha.

February 3 tariko Nomination File ka•giparanga, West Garo Hills a•jani Raksamgre elakkao susaenggipa NPP candidate Limison D.Sangma aro Raksamgre elakkani UDP candidate Sushil Goyary. Dalu elakkao susaenggipa Independent candidate Sarba Marak, sakgipin Independent candidate Diraj D.Marak, UDP candidate Kenethson R.Sangma, Gambegre elakkao susaenggipa NPP candidate Rakesh A.Sangma, Tikrikilla elakkani NPP candidate Jimmy D.Sangma aro Independent candidate Noor Nongrum, Phulbari elakkani AITC candidate Estamatur Mominin, Rajabala elakkani AITC candidate Dr Mohamad Mizanur Rahman Kazi.

East Garo Hills a•jani Songsak elakkao susaenggipa NPP candidate Nihim D.Shira. North Garo Hills a•jani Mendipathar elakkao susaenggipa INC candidate Timjim K.Momin, Resubelpara elakkani INC candidate Dr Twell K.Marak, Bajengdoba elakkani INC candidate Brigady N. Marak.

South West Garo Hills a•jani Ampati elakkao susaenggipa NPP candidate Stevie M.Marak aro INC candidate Ma Uttora G. Sangma, Mahendraganj elakkao susaenggipa INC candidate Sayeedullah Nongrum.

South Garo Hills a•jani Rongara-Siju elakkao susaenggipa NPP candidate Rakkam A.Sangma, Chokpot elakkao susaenggipa NPP candidate Sengchim N.Sangma aro GNC candidate Nikman Ch.Marak. Baghmara elakkao susaenggipa NPP candidate Satto R.Marak aro Independent candidate Nathawal S.Marak aro sakgipin Independent candidate Kartush R.Marak Sukrobar salo nomination file ka•aha.