A•konggre Sepoy Colony-o gam•pretgipa doka dam•anirangko doke mandengko neng•nikatenga
Tura, Aug 29, 2022:West Garo Hills a•jani Deputy Commissioner, re•anggipa July 26 tariko Tura Urban areani ning•o gam•pretgipa doka dam•anirang, sound system-rangko wal 10 bajioni pring 6 bajiona champengatahachim. Indiba A•konggre Sepoy Colony gittimo da•al August 29 tariko gipin jatrang damarang aro gipin gam•pretgipa bosturangko doke dam•e salgimik gittimni manderangna neng•nikaniko on•enga ine Sepoy Colony Development Committee (SCDC)-ni President Mitison Sangma u•iataha.
SCDC-ni u•iatani gitade, Sepoy Colony gittimo songdongenggipa gipin jatrang walo dokna man•jae, salo salgimik gam•pretgipa doka dam•nirangko dakskaenga. “Beben gipin jatrang toromni gita maniani donggenchimoba, somoi gita doke dam•e maniode namachim, indiba nangana bate doka dam•anirangko dopetpetani a•sel chaktopilgija neng•nikatenga” ine u•iataha.
Uandakgipa doka dam•anirangko jakkalgenchimode ba jinmana maikoba u•iatna nanggenchimode,
district authority-rangnj bilko bi•esa jakkalna man•gen ine u•iatahachim. Indiba Sepoy Colony-o dongenggipa gipin jatrang district authority-rangni raiko ra•gija, an•tangtangni nangnika gita doka dam•anirangko jakkale gittimni manderangna neng•nikaniko on•enga.
Uni gimin a•jani bil gnanggipa manderang Sepoy Colony-o ong•enggipa obostako ta•rake nirokatpachina SCDC-ni President mol•molataha.