Tura, September 12, 2022: A•chik Holistic Awakening Movement (AHAM), Garo Hills Autonomous District Council (GHADC)-ni dilgiparang batanggimin salo songbadrango aro social media-rango B-Mahal-ni bidingo agangipa kattarangna aro 2021 November 9 tariko ra•gatgimin resolution-ko ra•galaha ine agangipa kattarangna kakket sakkiko on•ne jinmana parakatchina dabiangaha.
“Bang•a changon dilgiparang manderangni dakchakaniko aro ka•sachakani ba sympathy-ko man•na gita maming sakki gri, social media-rango aro Songbad-rango Press Release ka•mikke jinmako rope cha•ronga. Deputy Chief Minister an•tangan batanggimin salrango, politician-rang manderangko cha•boke cha•ronga ine aganaha. Uni gimin chinga AHAM dol GHADC-ni Executive Committee (EC)-rango 2021 bilsini November 9 tariko ra•gatgimin resolution-ko ra•galna tik ka•aha ine agangipa kattarangna sakkiko on•china dabienga” ine AHAM-ni President Georgeprince Ch Momin parakataha.
AHAM iani bidingo RTI ka•anggen ineba parakataha.