AHAM ASZ President-ni agangipa kattako AHAM CEB-ni President jegalata

0

Tura, May 30, 2022: A•chik Holistic Awakening Movement (AHAM) Central Executive Body (CEB)-ni President George Prince Ch. Momin, AHAM Assam State Zone (ASZ)-ni President Raksim Marak-ni Press Conference-o agangipa kattarangko jegalataha.

“AHAM Assam State Zone-ni President Raksim Marak-ni Press Conference-o agangipa kattarang, AHAM CEB baksa maming dakeba nangeja” ine George Prince Momin parakataha.

Assam State Zone-ni President manderangni su•doako man•ne mamingkoba sing•cheng sanchenggija Press Conference-o bang•a kattarangko aganaha. Ua darangni kattako ra•gija an•tangni chanchiakosan aganaha aro uni agangipa kattarang AHAM-CEB baksa maming dakeba nangeja ineba parakataha.

Raksim Marak, AHAM CEB-ni dilgiparango maming sing•sandia gri dal•a ja•kuko de•aha aro ian dolni kosako re•ani gita ong•a. Uni kamko nigrike dilgiparang President-ni chokkioniko dondipatgen aro maina uko kamoni ra•galna man•jawa, iani bidingo ra•chakna man•gipa kattarangko aganchakangna nanggen. Chinga AHAM-ni ka•rimskarang uni kamko raken jegala aro ra•chakna man•ja ineba janapataha.

Leave A Reply

Your email address will not be published.