Tura, July 12, 2022: Garo Hills a•jani chu•gimik Adhoc Secondary skulrangni palo West Garo Hills a•jani Khamari Secondary Skulni skigipa saksa Rahmat Ali, a•dokni Skotong Minister Conrad Sangma-na lekka sedoatenba, Science Grant mangmangchide skulko nirokna aro chalaina chu•ongja ine janapataha.
“Meghalaya a•doko ge 154 Secondary Skulrang donga, indiba chinga Science Grant mangmangkosan man•enga. Science Grant mangmangde chingna cholija. Gipin a•dokni Secondary Skulrang gitan chingaba apsan dake Adhoc Grant-ko man•na nanga. Indake a•dokni 154 secondary skulrango sak 700 skigiparang gnang jemangan sak 8000 poraienggipa chatro chatrirangna skie on•enga. Indiba chinga, chingni man•a nanggni Adhoc Grant-ko da•onaba man•kuja. Batanggimin salrango MDA sorkari Adhoc skulo skigiparangni dormaharangko bariatgnok ine u•iataha, indiba chinga Secondary Skulo skigiparang dormaha bariatako man•paja aro chingni Adhoc Grant-na dabianikode sorkari knachakja” ine janapataha.
“Chingni neng•nikanirangko ma•sichake sorkari chingna Adhoc Grant-ko on•na nangchongmota ineba ua agandapataha.