Rongara, November 27, 2022: Association for Democracy and Empowerment (ADE) Rongara Regional Unit-ni President Xenyan D Sangma, Rongdi aro Mahadev chibamaoniko niam gri rong•te aro an•cheng bikotani bidingo ta•raken ja•ku de•na nanga ine South Garo Hills a•jani Deputy Commissioner-na lekka sedoatataha.
“Rongara jolo donggipa Rongdi chibima aro Mahadev-o donggipa Mahadev chibimaoniko Narendra Sharma Construction (NSC) aro Niddhi Creative Infrastructure Limited (NCIL) niamgri rong•te aro an•chengrangko bikotenga. Uamang sorkarini Development and Regulation Act, 1957 aro Development and Regulation Act, 1986 Section 3 (e)-o pangchake dongimin niamko pe•gale kamko ka•enga” ine janapataha.
Uni gimin, chinga ADE Rongara Regional Unit, niamni kosako kam ka•enggipa company-rangni kosako ja•ku de•na nanga aro ua kamrangko ta•raken dontongatna nanga ine DC-ko didiangaha.