Tura, September 29, 2022: Association for Democracy and Empowerment (ADE) Apex Committee, HQ Tura-ni General Secretary Supam R Marak, National Highway and Infrastructure Development Co-operation Limited (NHIDCL)-ni office-ona lekka sedoatenba September 28 tariko ong•atna am•gipa interview-ko dontongataha.
“West Garo Hills a•jani NHIDCL Department-o Muti Tasking Staff (MTS)-ni post-na September 28 tariko maming niamko ja•rikgija interview ra•na chanchianiko dontongataha. NHIDCL jinmana mamingkoba u•iata gri, public notice on•a gri interview-ko ra•na tik ka•aha. Chinga Department-ni manderang baksa agangolpogrike uamangni interview ra•na miksonganiko dontongataha. Unbaksana uamangko post-ni bidingo jinmana u•iatani ja•mansa interview-ko ra•china” ADE didiangaha.
Uasan ong•aigija Home Guard Office aro Don Bosco Out Sourcing Agency-rangoba bang•a Multi Tasking Staff (MTS)-ni kamrang gnang, ia kamrangni bidingo jinmana u•iatna nanga, jedakode kamgri roenggipa bang•a chadamberangna cholko on•na gita man•gen ineba ADE Apex Committee-ni General Secretary janapataha.