Baghmara, Sept 28, 2022: South Garo Hills a•jani Gasuapara jolo donggipa Minnenggre songo ru•uta sal somoirangonin Central Scheme, Jal Jeevan Mission (JJM)-ni kamko Contractor man•giparang gisiko nange kamrangko ka•jaengani a•el da•onaba matchotkuja ine songni manderang koborna u•iataha.
Songni manderangni u•iatani gitade, basakonin chi ra•chakgipa chirongdikrangko matchotaha, mittamko matchotkuja, indake kam ka•anirangko department nikgija dake dongenga.
Uni gimin manderangni namgnina ta•rake kamrangko ka•e on•pachina contractor-rangko didiataha. Ua jolrango mikka wachini somoio ringani china namen neng•nikani ong•a, maina chisam jolo donggipa manderang chikong kite chirangko ringani gimin neng•nikaniko man•ronga.
Ia jolrango jemangan JJM Scheme-ko contract man•chim, manderangni neng•nikaniko ma•sichake songdongenggipa manderangni namgnina Ma•mong Sorkarini on•atgipa JJM Scheme-ni kamrangko ta•rake matchotate on•pachina ADE Gasuapara Regional Unit mol•molataha.
Indake ong•engon, gisiko nanggija kam ka•enggipa contractor-rangni kosako mikkrakatenba dingtang dingtang ja•kurangko de•angna draatani ong•naba donga ine ADE Gasuapara Regional Unit u•iataha.