Tura, April 15, 2023: A•chik jatni man•gnina aro namgnina krenge kam kaaniko mikbokrakgipa ine agana man•jawa. Chinga A•chik jat ong•e, jattangni man•gni nasa krenge kamrangko ka•enga. Uni gisepgrikon A•chik jatko “mikbokrakgipa” ine agangipa kattarangko, chinga raken jegala ine A•chik Conscious Holistically Integrated Krima (ACHIK) dolni dilgipa u•iataha.
Hynniewtrep National Youth Movement (HNYM) dolni dilgiparang sukrobar salni bak o ong•atanggipa Press Conference o, A•chik jatko “mikbokrakgipa” ine matnange aganaha.
“A•chik jatni man•gniko ripinge rakkina kamrangko kaangani aro ong•gijako warachakaniara, mikbokani kam ong•ja. Indiba jat tangna aro Aman a•songtangna ka•sae dangdike on•anisan ong•a. Je mandean A•chik jatko aro ACHIK dolko ‘mikbokrakgipa’ ine aganahachim, ua mande kakket o kam ka•ani bidingo mamingkon ma•sija” ine ACHIK dolni Public Relation Secretary Hamrash N Marak aganaha.
State Reservation Policy donggenchimoba A•chik jat man•a nanggni gita kamrangko man•jaha. Reservation Policy ko name dake ja•rikjaniko nike High Court Roster System ko ra•gatangna rai ko on•angaha. Roster System ko ra•gatgenchimode A•chik jat man•a nanggni gita kamrangko man•anggen ineba ua u•iataha.