Shillong, January 19, 2023: India a•songni Chief Eleksin Commissioner Rajiv Kumar, January 18 tarikni attam 2:30 bajio Meghalaya Legislative Assembly Eleksin-na vote pu•onani tariko re•baenggipa February 27 tariko parakataha.
Ia eleksin-ko ong•atanio Criminal Procedure Code, 1973-ni Section 44 aro Section 21(1) Arms Act 1959-ni Section 17 close no.(3), (a) aro (b)-o pangchake pilak licence gnanggipa slai aro pistol-rangko sepangbatgipa Pulis Beat House ba Pulis Station-rangona ra•ange donchina ge•etaniko on•ataha.
A•doko ong•atna sienggipa Assembly eleksin-na Model Court of Conduct-o pangchake an•tangtango donggipa pilak slai ba pistol-rangko pulis station-o pakwate donchina ge•etaniko on•ataha.
Je manderangan an•tangtangni ra•bitenggipa slai ba pistol-ko pakwateja, Section 25 1B (h)-o pangchake bilsisa pattoko dongen aro dai gamna nanggen ine u•iataha.
Eleksin Commission-ni parakatani gitade, Assembly Eleksin-ko February 27 tariko ong•atgen, Vote chananiko March 2 tariko ong•atgen ine parakataha.
Indake , March 4 tariko eleksin-ni pilak kamrangko matchotatgen ineba u•iataha.
Indake ong•engon Gazetted Notification-ko January 27 tariko u•iatgen aro Nomination File ka•ani bon•kamgipa tarik February 7 tariko ong•gen, Nomination File ka•aniko niani ba chek ka•aniko February 8 tariko ong•atgen, indiba nomination file ka•aniko ra•pilani bon•kamgipa tarik February 10 tariko ong•gen ine parakataha.