Tura, Nov 4, 2022: Meghalaya Pradesh Trinamool Congress (MPTCC) Bristibar salo dal•begipa TMC Block Meeting-ko Rangsakona elakkani ning•o donggipa Ambari songo ong•atangaha.
Ia tom•bimonganio Assembly-ni warachakenggipa dolni dilgipa AITC-ni dilgipa Dr Mukul Sangma, dal•batgipa sokgipa ong•e, dongpaengon, unbkasa dongpagiparanga, Rangsakona-ni MLA Zenith Sangma, Salmanpara-ni MLA Winnerson D.Sangma, Mahendraganj-ni MLA Ma Dikkanchi D.Shira, Meghalaya-ni gitcham MLA aro AITC-ni general secretary Mukul Das, Dengnakpara-ni MDC Ma Sadhiarani Sangma, Kharkutta-ni MDC Cherak W.Momin, Amongpara-ni MDC Nehru D.Sangma, Balachanda-ni MDC Agassi Marak, WGH-ni District Convenor Richard Marak, Meghalaya Pradesh Mahila Trinamool Congress Committee-ni President Ma Selma D.Shira, Wagesik-ni gitcham MDC Sengnal N.Sangma, Amongpara-ni gitcham MDC Withnald D.Marak aro gipin district aro block-ni TMC dilgiparang dongpae bakko ra•angaha.
Ia TMC Block Meetingo sak 8000-na bate manderang bakko ra•enba Dr Mukul Sangma-ko Skotong Miniater ong•pilaniko nangnikenga ine parakangtokaha.
Dr Mukul Sangma tom•bagipa manderangna aganengon, “Anga da•alo na•simangni ku•monganiko nike namen kusi ong•a, mikkangchi an•ching Meghalaya a•dokko gital ong•atpilna kamko ka•anio na•simang sakantini ku•monganiko nangenga. Anga ka•donga re•baenggipa 2023 bilsini eleksin-o TMC sorkariko rikchongmotgen aro pilak development-rangko ra•bapilna gita kamrangko, anga saksanchi sorkariko rikna man•jawa, indiba na•simang sakantini ku•monganiko nanggen aro TMC MLA-rangko cheatna na•simangni jakon ong•a. Sorkariko rikna sak 31 MLA-rangko nanga, Meghalaya a•dok gimiko ge 60 seatrang donga, uarangoni ge 35 seatrangko TMC man•gen, una bate man•dapna anga rake kamrangko ka•enga, uni gimin na•simang sakantini ku•monge TMC-na jak on•aniko nangenga” ine Dr Mukul Sangma aganangaha.
Unbaksana, Zenith Sangma, Winnerson D.Sangma aro MDC Cherak W.Momin, namgipa development-rangko ra•bana Dr Mukul Sangma-ko Skotong Minister ong•atpilna, an•ching gital TMC dolko bilakatna nangenga. Ku•sikmangmangchi ku•rachake, kam ka•jaode, maidake development ong•gen. Dr Mukul Sangma an•tangni kam ka•na man•gijako maming saloba ku•rachakja. An•tangni kam ka•na man•akosa ku•rachaka aro ku•rachakatangko chu•sokata. Indiba MDA sorkari manderangni mikkango ku•rachakgen, indiba mingsa kamkoba chu•sokata dongja. Indide, indakgipa mandeko na•simang Skotong Minister ong•atpiltaigenma” ine Zenith Sangma tom•bagipa manderango sing•doangaha.
Indake Dr Mukul Sangma-ni nama kamko nike NPP dolni manderang TMC dolo bakrime TMC-na apsan ku•monge kamrangko ka•angna ku•rachakangaha. Uni gisepon, jemangan NPP doloni ong•kate, TMC dolo bakrimeahachim, uamamgko Dr Mukul Sangma aro gipin TMC-ni dilgiparang mande ra•bee rimchaksoaha aro nama ku•pattianiko on•angaha.