Tura, November 1, 2022: MDA sorkariko rikenggipa aro NPP dolni dilgipa Skotong Minister Pa Conrad Sangma jinmani namgnina dakchakaniko on•na gita jillanirangko, interest grigipa loan-rangko, ba•ra sikani machine-rangko aro uandake mandena dakchakani ong•gipa bosturangko suale on•angaha.
Indake Monggolbar salni bako West Garo Hills a•jani ning•o donggipa Paham, Demdema songni manderangna suale on•angtokaha.
A•dokni Skotong Minister Conrad Sangma, FOCUS program-ni gita game ge•e cha•enggiparangna tangka gong lak 9 hajar 77-ko nokdang ge-977-ni manderangna suale on•angaha. FOCUS+ program-ko jinmani namgnina, mongsongbate game ge•e cha•giparangna ra•baaha. FOCUS aro FOCUS+ ia ge•gni scheme-rang game ge•e cha•gipa nokdangni manderangna dakchakaniko on•gen aro hajar 10 tangkarangko nokdangantini manderangan man•gen. Rural Backward Piggery Scheme, PROGRESS-ni gitaba sak 450 manderangna wak bi•sa manggittam (bima mangsa bipa manggni)-ko suale on•angaha.
Unbaksana YESS Program-ni gita, a•jani dol 4 chadamberangna lak 1 hajar 40 tangkarangko suale on•angjolaha.
Pa Sangma Dakmanda-rangko dokgipa sak 10 manderangnaba sud ba interest gri loan-ko hajar 10 ka•e, Muktidata Multipurpose Co-operative Society aro Meghalaya Basin Development Authority baksa bakrime sualangaha.
Una agreba Meghalaya State Skill Development Society (MSSDS)-ni gita sak 15 manderangna sewing machine-rangko suale on•angaha. Uandake MSSDS-ni gitaba sak 15 Solar Technician Trainee-rangna Solar Tool Kit-rangko sualangaha.