Tura, July 6, 2022: Garo Students Union (GSU), Chibinang Regional Unit-ni General Secretary, Kengkrong B Sangma Chibinang bajarona re•gipa rama namjani gimin changni chang dilgiparangna lekka sedoataha, indiba da•alona kingkingba maming aganchakaniko man•sokuja aro ramakoba tarie on•ja ine matnangaha.
“Chinga Chibinang bajarona re•gipa rama namjani bidingo Phulbari-ni MLA Estamur Mominin-na adita king lekkarangko sedoaha, indiba maming aganchakaniko chinga man•soja. Chinga GSU dol uni kamko raken jegala. Ua an•tangni elekkatangko nirok simsakja aro manderangni neng•nikanirangko nikgenchimoba namdapatna maming ja•kuko de•ja. Elekkatangni neng•nikanirangko namatna MLA-o bil donga. Indiba ua an•tangni biltangko jakkalja. Indiba chinga uni galchipe donaniko jrip nie dongjawa, chinga jinma ku•monge an•tangtangan cholko bikote jinmani namgnina kamrangko ka•anggen” ine Kengkrong Sangma parakataha.