Shillong, July 5, 2022: Meghalaya Pulis, Sohra Sub-Division-ni ning•o donggipa Nongwar songoniko saksa bilsi 32 ong•gipa Andrew Umsong-ko rim•aha ine kobor man•aha.
Rim•a man•gipa mande East Khasi Hills a•jani Mawkynrew Block-o dongipa Rasong minggipa songni mande saksa Snor Kharkhongor-ko so•otahachim.
Uni so•otgipa mandeko EKH a•jani Madanrting Pulis Station-ni ning•o ga•akgipa Mawriar East-ni Pyngkya songoniko Snor Kharkhongor-ni manggisiko man•aha. Indake, pulisrang Andrew Umsong-ni kosako mamlako segataha.
Pulisrang so•ota man•gipa mandeni mobile phone-ko man•naha aro Andrew Umsong dosi donga ine ma•sina man•naha.