Tura, March 13, 2022: Garo Students Union (GSU) Centre Executive Committee (CEC), Tura-ni President Tengsak G.Momin, GSU Phulbari Regional Unit-ni gital dilgiparangko approved ka•aha ba ra•chakaha.
Dingtangmancha da•o ong•enggipa Garo Hills-ni obostarangko nigrike kamrangko ka•angna chanchirimaniko dakenba mikkangchi rakbate ja•kurangko de•angna miksonganio GSU Phulbari Regional Unit-o gital dilgiparangko seokaha. Unbaksana GSU-ni miksongenggipa GHADC-ni kamrang Codification of Garo Customary Law (GCL) aro Separate Electoral Roll-ni bidingo rakbate dakgrikangna aro dingtangmancha chatro chatrirangna on•gimin calendar-o pangchake porikka seanirango jajaataniko chagrongenggipa kamrarangko ka•angna GSU Phulbari Regional Unit-ba apsan ja•kuko de•e dakgrikpana miksonganio gital dilgiparangko seokaha ine GSU Phulbari Rigional Unit-ni General Secretary Te Tonang A.Sangma u•iataha.
Indake Garo Hills-o ong•enggipa obostarangni bidingo bilakbate kamrangko ka•angna miksonge GSU-CEC, President an•tangni bilko jakkale GSU Phulbari Regional Unit-o gital dilgiparangko seokaniko ra•chakaha ine u•iataha.
GSU-CEC, Tura GSU Phulbari Regional Unit-ni gital dilgiparang jemangan an•tangtangko on•kange jatna kamrangko ka•na re•mikkangengachim, uamamgko kusi ong•e rimchaksoan baksa kusi ong•aniko parakataha.
GSU Phulbari Regional Unit-o gital dilgiparang Executive Body-ko songe re•anggipa February 5 tarikon GSU-CEC, Tura-ni President-ni ra•chakaniko ra•chakaniko man•na ba approve ka•china on•ataha. Ua gital seokgimin membor-rangko GSU-CEC-ni ra•chake GSU-ni dongimin niamo pangchake GSU Phulbari Regional Unit-ni dilgiparang mikkangchi chu•gimik bilko jakkale kamrangko ka•anggen ine ku•rachakangaha.
Ia gital seokako man•gipa aro GSU-CEC-ni ra•chakgimin GSU Phulbari Regioanl Unit-ni gital dilgiparangara Nyezer Chuang R.Marak President, Jubith R.Marak Vice-President, Tonang A.Sangma General Secretary, Rantu R.Marak Additional General Secretary, Esak M.Marak Assistant General Secretary-na seoangaha ineba u•iataha.