Mendipathar, October 1, 2022: Mendipathar elekkani ning•o donggipa Thapa A•gitchak songo ong•atenggipa Football Tournament-ko District Youth Congress (DYC)-ni President aro re•baenggipa 2023 bilsio Congress doloni MLA susana sienggipa, Timjim Momin sukrobar salo oprake on•angaha.

Ia tom•anio Mendipathar elekkani Block Congress Committee-ni membor-rang, Meghalaya Pradesh Youth Congress (MPYC) East Garo Hills aro North Garo Hills-ni General Secretary Dr. Tuel Marak dongpae bakko ra•angenba Timjim Momin-na chakpaniko on•angaha.

Bang•a manderang ia tom•anio bakko re•angtokaha aro git ring•achiba jinmako an•soatna gita Satnal Raksam-ko okamate, gitrangko ring•ate jinmako an•soatangaha.