Ampati, Feb 9, 2023: Zikzak elakkani gitcham BJP MDC aro 2018 bilsini Assembly election-o BJP candidate ong•e, Salmanpara elakkao susagipa Bhupendra Hajong aro una chakpagipa manderang baksa Butbar salo ong•atanggipa Salmanpara prgram-ona re•bae Meghalaya TMC-o napeaha ine u•iataha.
TMC dilgiparang TMC-o napegipa gital manderangko Salamanpara-ni MLA aro TMC candidate Pa Winnerson D.Sangma, Mahendraganj-ni MLA aro TMC candidate Ma Dikkanchi D.Shira kusi ong•bee TMC nokdangona rimchaksoaha.
Koborna u•iatani gitade, Zikzak-ni gitcham MDC aro BJP dilgipa Bhupendra Hajong, re•anggipa 2018 bilsini Assembly election-o Salmanpara elakkaoni BJP ticket-o susahachim, indiba chena gita man•jaha. Ua ru•uta bilsirangna BJP party-o donge kamko ka•aha.