Tura, March 15, 2023: A•gilsakni gipin biaprango mania gitan World Consumer Rights Day-ko Dadenggre-o maniangaha. Ia manianiko Dadenggre Civil Sub-Division-ni Civil SDO (Civil), Kalsingre Community Hall-o ong•atangaha.
Indake ia manianio Dadenggre-ni Civil SDO Abhishek Gowda mongsonggipa sokgipa ong•e bakko ra•angaha.
Ia tom•anio Abhishek Gowda jinmana aganprakengon, “An•ching Consumer-rang ong•e, bosturangko breengon name nie brena nanga. Uarangko jakkalani ja•mano galatpilengon, an•chingni wilwilao donggipa environment-na maming neng•nikaniko aro nosto ong•aniko on•jana gita galna nanga. An•ching skia man•giparang environment-ko naljokatna rake kam ka•giparang ong•na nanga. An•chingni dedrangnaba apsankon skie on•na nanga” ine aganangaha.
Environment-ko naljokatani gimin ma•sie aro skie ra•anisan ong•aigija, an•ching National Food Security Act (NFSA) 2013-ni bidingoba ma•sie ra•na nanga. Bosturangko breengon, an•tangtangni rights ba dakna nanggniko ma•sie ra•enba cha•bokako man•jana gita didiangaha.
Dadenggre Supply Division-ni Superentindent Naseng D Marak, Consumer ba breenggipa manderangni adita right-rangni bidingo jinmana agan talate on•angaha. Indake tom•anio Assistant Commissioner Dr Rikrak, Supply-ni Sub-Inspector Jakdeep R Marak aro Kalsingre songni Nokma dongpae, Consumer Rights-ni bidingo agan-talate on•angaha.