Tura, March 8, 2022: A•chik Youth Welfare Organization (AYWO) dol ni dilgiparang aro karimskarang A•chik a•jaona Winter Capital ko ra•bana nanga ine dabianio AHAM dol baksa chadengpaa ine monggolbar salni bako Kosi Songbad na u•iataha.
Winter Capital ko da•osan ong•aija indiba ru•uta bilsirangonin dabianiko dakenga,ia dabianiko be•en pilatna man•genchimode A•chik a•songnasan ong•aija indiba a•dok o songdong a•chaenggipa pilak manderangnan namgni onggen.Ia dabianio chinga AHAM baksa ong•a aro ia dabianiko bimang pilatna raken kamko ka•anggen. Mitam manderang ia dabianiko nangnikja ine aganenba uko changalna jotton ka•a bang•a.Indiba ia dabianiara darangkoba mikkang nitegija A•chik jat aro A•chik a•songni namgni aro man•a nanggnikosa dabienga. Bang•a manderang ia dabianiko nangnike bakrimpaaniko aro jak onpaaniko salsa na bate me•soktokenga aro anga kadonga A•chik jat pilakan ku•cholsan nangrime kam ka•genchimode ia dabianiko taraken bimang pilatna man•gen” ine AYWO ni President Sengbath Marak aganaha.