Shillong, May 13, 2022: Personnel & AR (A) Department-ni Principal Secretary to the Govt of Meghalaya, IAS Officer R Lyngdoh-ni parakakatani gitade, West Garo Hills a•jani Deputy Commissioner Ram Singh IAS (RR-2008)-ko Secretary to the Govt of Meghalaya, Finance Department-ona kam ra•jitangaha ine parakataha. Ua gipin ge•etaniko man•kuja dipetna, parakatgimin tarikoni kamko ka•anggen.
Indake Ram Singh-ni palo Williamnagar-ni Deputy Commissioner Swapnil Tembe IAS (RR-2015)-ko West Garo Hills a•jani Deputy Commissioner-ona ra•jitbaskaha aro ua gipin ge•etaniko man•kuja dipetna parakatgipa tarikoni kamko jako ra•e ka•anggen.
Una agreba Ramakrishna Chitturi IAS (RR-2016) jean Joint Secretary to the Govt of Meghalaya, Finance & Community & Rural Development Department-o kam ka•engachim, ua Joint Secretary to the Govt of Meghalaya, Planning Department-ko jako ra•e parakatgimin tarikoni ka•angskagen.
Ma Mitali Chandra IAS (RR-2019), jean East Khasi Hills, Shillong-ni Sub Divisional Officer (Sardar) ong•engachim, uko Under Secretary to the Govt of Meghalaya, Health & Family Welfare Department, Additional Mission Director, National Health Mission and Director Meghalayan Age Limited (MAL), Tourism Department-ona kam ra•jitangskaha. Ua gipin ge•etaniko man•kuja dipetna parakatgimin tarikoni kamko ka•anggen.
Indake ong•engon, East Garo Hills a•jani Deputy Commissioner Swapnil Tembe-ni palo Levenstone C.Marak MCS, jean Williamnagar-ni Additional Deputy Commissioner, ong•engachim, ua chu•gimik East Garo Hills a•jani DC ong•e kamko ra•angskagen. Ua gipin ge•etaniko man•kuja dipetna parakatgimin tarikoni an•tangni kamko DC ong•e ka•anggen ine parakataha