Tura, August 27, 2022: West Garo Hills a•jani Tura songjinmao bosturangni dam bariani bidingo aro rama rikamrango bosturangko palani a•sel bang•a manderang neng•nikaniko man•engani gimin District Administration August 26 tariko biaprangko re•ange niangaha.
West Garo Hills a•jani Deputy Commissioner Swapnil Tembe-ni sualgipa circular-ni gitade, WGH a•jani DC, Superentindent of Pulis (SP), Tura Municipal Board-ni CEO, District Urban Planner, PWD Department-ni Executive Engineer aro bang•a Officer-rang, Tura songjinmani rama rikamrango me•su samjak palanirangko re•ange nieaha aro manderangni re•gipa ramarangko wate on•china uamangko mol•molangaha.
Unbaksana uamang me•su samjak aro rokomanti bosturangko palna gita uamangna dingtang biapko sandie on•gen ineba parakataha.
Circular-o janapani gitade, Joint Inspection-ko matchotatani ja•mano DRDA Hall-o tom•aniko ong•atanio bading chiwalenggipa manderangba bakko ra•angaha. Indake ia tom•anio uamang sorok a•samrango aro footpath-rango bostu palgipa manderangni bidingo chanchirimaniko dakangaha.
A•jao bosturangni dam bariani a•selara, bang•a manderangni dagrange tangka gildraani a•sel ong•a. Iani bidingo uamang chanchirimaniko dakangaha aro indakgipa manderangko chagrongtaigenchimode, ta•raken Administration-na kobor on•china didiangaha.