Tura, August 25, 2022: Advanced Metering Infrastructure (AMI) aro Revamped Distribution Sector Scheme (RDSS)-ni ning•o AT aro C-ko komiatna gita AMI-ni bakko ra•ani bidingo jinmana u•iatna aro AMI-ni gimin agantalate on•na gita salgittamni Training Program-ko West Garo Hills a•jani Circuit House-o ong•atanggen ine u•iataha.
Indake West Garo Hills a•jani Deputy Commissioner Swapnil Tembe August 24 tariko AMI training program-ko oprake on•angaha. Ia program-ko National Power Training Institute (NPTI)-ni gita ong•atangaha, unbaksana Ministry of Power aro Meghalaya Power Distribution Corporation Limited (MePDCL) Department apsan nangrime ong•atenga.
AMI-ko oprake on•engon, Deputy Commissioner Swapnil Tembe “Dikdiksa bijoli dongjagenchimode, an•ching office-rango, skulrango aro nokrango bang•a neng•nikanirangko chagronga. Gipin a•dokni manderang aro an•ching a•dokni manderang bijolina neng•nikani dingtanggrika. Uni gimin anga Organizer-rangko a•doko manderangni neng•nikanirangko tale ma•sie ra•enba uamangni neng•nikanirangko namatna jotton ka•na nanga” ine didiangaha.
West Garo Hills a•jao Line Department-ni manderang 2027 bilsio a•jako gimikni gitan subita ong•e tarina gita chanchirimaha jeon bijoliko chu•onga gita on•anganio bak dongpaha. Sorkarini on•atenggipa scheme-rango pangchake Solar Rooftop ba nokkingo solar-rangko teke a•jao donggipa nokrango jakkalna man•gen.
Ia program-ko oprake on•ani bakan trainingni skanggipa salo Technical session-ko ong•atangaha, jeon CGM-Rtd APDCL aro NPTI-NER-ni Guest Faculty Ajanta Goswami, Smart Meter aro RDSS-ni kamko ka•ani bidingo jinmana talate on•angaha. Apsandaken Karuna Sharma-ba smart meter-ko tekanio chagronggipa neng•nikanirangko name rakkiani, operation, AMI aro Smart Meter Integration, Smart Meter Data Exchange Protocol, AMI Communication Network Components, Technology Selection-rangni gimin talate on•angskaaha.
NPTI-ni Deputy Director Sambit Gantayat, Advanced Metering Infrastructure, Integrated Management of Advanced Metering Infrastructure, AMI Network System for Neighbour Area Network, AT & C-ko komiatna gita AMI-ni kamrang, Consumer Engagement aro Policy, Regulations and Standard of Smart Meter-ni bidingo trainingni gnigipa aro gittamgipa salo aganprakangskagen ine u•iataha.