Shillong, Jan 6, 2023:NPP dolna namen kusi ong•beani sal ong•a, da•al Sukrobar salo Umsning elakkani gitcham MLA Jason S. Mawlong aro KHADC-ni MDC Donkupar Sumer NPP dolo napeaha ine koborna u•iataha.
A•dokni Skotong Minister Conrad Sangma, uamang sakgni dilgiparangko kusi ong•bee rimchaksoengon, “Jason S. Mawlong kakketgipa dilgpa ong•e, gnigipa changna elakkatango dangdike on•angkuna miksonge NPP baksa bakrime kamko ka•angna ku•rachakenga. Uni gimin re•baenggipa election-o NPP candidate Jason S.Mawlong-na chakpaaniko on•china manderangko mol•molangaha. Chinga MDC Donkupar Sumer-ko kusi ong•bee, NPP nokdangona rimchaksoa. Ia sakgni dilgiparangni NPP dolo napeanichi, Umsning elakkako bilakbate kamrangko ka•angna man•gen” ine Skotong Minister aganangaha.
Ia sakgni dilgiparang, Skotong Minister Conrad Sangma, Deputy Skotong Minister Preston Tynsong, Nartiang-ni MLA Sniawbhalang Dhar, NPP State Vice President Donkupar War, Jirang-ni MLA Sosthenes Sohtun, NPP Spokesperson Dr.Ampareen Lyngdoh, Mawsynram-ni MDC Alvin Sawkmie, Umsning-ni MDC Ma Macdalyne Sawkmie Mawlong, Mawlai-ni MDC Teiborlang Pathaw, Jirang-ni MDC Victor Ranee, North Shillong-ni Block President Ransom Sutnga aro Umroi Block President Ngaitlang Dhar mangni dongpanio NPP dolo napeaha aro uamangko NPP dilgiparang mande ra•bee rimchaksoenba manianiko dakangjolaha ine u•iataha.