Tura, January 6, 2022: Meghalaya Youth Empowerment (MYE) Scheme-o pangchake, Trinamool Congress a•dokni chadamberangna ‘MYE Card’-ko oprake on•aha, ine District Convenor Richard M.Marak u•iataha.
Ia MYE Card-ko bilsi 21-oni bilsi 40 ong•gipa chadamberang, jemangan kam gri dongengachim, uamangna chanchie bikotaha. Indake ia MYE Card-o register ka•giparang
japrako tangka gong hajar 1000 ka•e, bilsisao gong 12,000-ko chadamberangni account-o chipe on•gen ineba Richard Marak parakataha.
Iandakgipa ja•kurangko de•anichi, Meghalaya TMC re•baenggipa bilsi 5-ni gisepo chadamberangna lak 3 kamrangko bikote on•anggen, ineba parakataha.
“Meghalaya a•dokni manderang chingo ka•donganian, chingna dal•begipa katchaani ong•a. A•dokni bang•a me•chikmarang chingni bikotgipa, WE Card Scheme-o ka•donge register ka•tokaha. Apsandaken a•dokni chadamberangba, MYE Card-o register ka•gen” ine TMC ka•dongsoaniko parakataha.