Tura, Feb 2, 2023: UDP-ni gitcham District Vice President aro Rongjeng Block Election Committee-ni President Senstar G Momin aro UDP Block Election Committee-ni Secretary Penchal Marak baksa bang•a uamangna chakpagiparang, Rongjeng-ni TMC candidate Sengnam M.Marak, Rongjeng-ni gitcham MLA aro changgni joljol MLA seokako man•gipa Desang Sangma, TMC East Garo Hills District-ni Convener Anderson A Sangma aro gipin TMC dilgiparangni dongpanio February 1 tariko TMC-o napangtokaha ine koborna u•iataha.
Kobor man•soani gitade, Senstar Momin baksa Darugre-ni gitcham MDC Mettrinson G.Momin aro una chakgipa manderang TMC-o napangaha ineba u•iataha.