Tura, July 14, 2022: West Garo Hills a•jani Suprentindent of Supply, Tura Sadar Division-ni ning•o donggipa AAY, PHH, NFSA aro Non-NFSA beneficiary-rangna Pradhan Mantri Garib Kaliyan Anna Yojana (PMGKAY)-ni gita July jani mirongrangko watataha ine u•iataha.
Indake Suprentindent of Supply, Tura Sadar Division-ni ning•o donggipa pilak Fair Price Shop Dealer-rang sorkarini ge•etaniko ja•rike mirongrangko suale on•china didiangaha. Rimit card gnanggipa AAY Beneficiary-rangna mirong kg 35-ko kg prako gong 3 ka•e, Gitchak mrang card donggipa PHH Beneficiary-rangna nokdangni mande sakprako kg 5 ka•e kg prako gong 3 ka•e tangsim rongni card Non-NFSA Beneficiary-rangna kg 7.11 mirongrangko kg prako gong 13-na batgija Price Vigilance Committee-ni dongimin dam gita palna nanggen ine u•iataha.
Uandake PMGKAY aro PHH Beneficiary-rangna nokdangni mande sakprakna mirong kg 5-ko tangka gri indin suale on•anggen ineba u•iataha.