Tura-o motocross evant ba motor bike salsusaaniko ong•atanga 

0

Tura, Sept 25, 2022: West Garo Hills a•jani TMC Convenor, Richard M.Marak aro Tura-ni gitcham MDC Rupert M.Sangma, South Tura Block Trinamool Congress aro Durama Motorsport and Adventure Club baksa bakrime ong•atanggipa Riverside Motocross, 2022-ko Sonibar salo Flag badale watataha.

Ia motocross-ko ong•atanio South Tura TMC-ni Joint Secretary Pringseng Marak manderangna aganengon, Meghalaya a•dokni manderang dingtang dingtang kal•susaanirango bakko ra•e janggi tanggipa manderang bang•en gnang aro mikkangchi bang•a manderang bakko ra•angkugen ine Meghalaya TMC ka•donga aro bebe ra•a. Indakgipa kal•susaanirangko ong•ataniara manderangna namgipa cholko on•ani ong•a aro namgipa environment-koba ong•ata ine aganaha.

Ia motocross-ko ong•atanichi bang•a joltangni chadamberang re•bae kal•susaanio bakko ra•anichi Garo Hills-na namgipa sakkiko on•aha. Ia kal•susaanio bang•a motor bike salna changgipa chadamberang bakko ra•e chegipa ong•e trophy-ko man•angaha. Meghalaya TMC indakgipa kal•susaanirangko mikkangchi chadamberangna ong•tangkugen aro chadamberangni gisiko nangnikaniko tang•doatgen ineba parakataha.

Leave A Reply

Your email address will not be published.