Tura, Jan 10, 2023: Tura-ni MDC aro BJP Spokesperson, Bernard N.Marak Monggolbar salo Sam A•chik ba A•chik Ojarangni sanchakram biapko re•ange nieaha aro Ojarangko grongeaha.
Sam A•chik Sikman Hospital, ian A’chik Ojarangni sanchakram biap Upper Damalgre-o donga aro ian Garo Hills-o skanggipa Ojarangni sanchakram biapba ong•a. Ia sanchakram biapko re•anghipa 2011 bilsini November jao a•bachengataha.
Koborna u•iatani gitade, ia sanchakram biapko rikna gita D M.Marak biapko on•aha aro ia sanchakram biapko rikna gita 2007 aro 2008 bilsini RSVY Scheme-oniko WGHRMS aro DM Marak on•gilataha.
Indake ia sanchakram biapko rikna Meghalaya SamA•chik Association (MSA) tangka paisarangko dakchakataha aro ia sanchakram biapko rikna Tura IFAD Office-ni gita Scheme-ko ra•gatenba kam ka•dilaha. Indake ia sanchakram biapno dal•batgipa Oja Vidyanisth Marak aro MSA dolni dilachi da•alona kingking Sam A•chik sanchakramo sagipa manderangko sanenga ine u•iataha. Ia sanchakram biapo Sam A•chik Ojarang dingtang dingtang sabisirangko jatni bewalo sana bananiko dakenga ineba koborna u•iataha.
Ia A•chik a•songni ge•samangmang A•chik Ojarangni sanenggipa Sam A•chik sanchakram bipona Tura-ni MDC Bernard Marak re•ange Ojarangko grongenba nama skaniko on•baha aro uamangna AYUSH-ni dakchakaniko BJP-ni gita on•gen ine ku•rachakbaha.